॥పల్లవి॥పరమాత్ముని నోరఁబాడుచును యిరు-దరులు గూడఁగఁ దోసి దంచీ మాయ॥చ1॥కొలఁది బ్రహ్మాండపు కుందెనలోనకులికి జీవులను కొలుచు నించికలికి దుర్మోహపు రోఁకలివేసితలంచి తనువులను దంచీ మాయ॥చ2॥తొంగలి రెప్పలు రాత్రులుఁ బగలునుసంగడి కనుఁగవ సరిఁ దిప్పుచుచెంగలించి వెసఁ జేతులు విసరుచుదంగుడు బియ్యముగా దంచీ మాయ॥చ3॥అనయముఁ దిరు వేంకటాధీశ్వరునిపనుపడి తనలోఁ బాడుచునువొనరి విన్నాణి జీవులనెడి బియ్యముతనర నాతనికియ్య దంచీ మాయ రాగము: కేదారగౌళ రేకు: 0021-06 సంపుటము: 1-130 Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, […]పూర్తి వివరాలు ...

॥పల్లవి॥బయలు వందిలి వెట్టి పరగఁ జిత్తముగలిగెదయమాలి తిరుగ నాత్మజుఁ డొకఁడు గలిగెlink॥చ1॥కనుచూపువలన నుడుగనికోరికలు గలిగెతనుకాంక్షవలనఁ బరితాపంబు గలిగెఅనుభవనవలన మోహంధకారము గలిగెతనివి దీమివలన తలపోఁత గలిగె॥చ2॥అడియాసవలన పాయనిచలంబునుఁ గలిగెకడుమమతవలన చీఁకటి దవ్వఁగలిగెకడలేని తమకమునఁ గాఁతాళమునుఁ గలిగెనడుమ నంతటికి మాననిప్రేమ గలిగె॥చ3॥తరితీపు వలన చిత్తభ్రాంతి తగఁ గలిగెవిరహంబువలన పురవేదనలుఁ గలిగెతిరువేంకటాచలాధిపుని కరుణామృతముపరిపూర్ణమైన యాపద నీఁదఁ గలిగె రాగము: శ్రీరాగం రేకు: 0021-05 సంపుటము: 1-129 Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, శ్రీరాగంపూర్తి వివరాలు ...

॥పల్లవి॥తానే తెలియవలె తలఁచి దేహి తన్నుమానుపువారలు మరి వేరీ॥చ1॥కడలేని భవసాగరము చొచ్చినతన్నువెడలించువారలు వేరీకడుబందములచేతఁ గట్టుపడినతన్నువిడిపించువారలు వేరీ॥చ2॥కాఁగినినుము వంటికర్మపు తలమోపు –వేఁగు దించేటివారు వేరీమూఁగిన మోహపుమూఁకలు తొడిఁబడవీఁగఁ దోలేటివారలు వేరీ॥చ3॥తిరువేంకటాచలాధిపునిఁ గొలుపుమనివెరపు చెప్పెడువారు వేరీపరివోని దురితకూపములఁ బడకుమనివెరపు చెప్పెడివారు వేరీ రాగము: గుండక్రియ రేకు: 0021-04 సంపుటము: 1-128 Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, గుండక్రియపూర్తి వివరాలు ...

॥పల్లవి॥ఆదిదేవుఁడై అందరిపాలిటికీ దేవుఁడై వచ్చె నితఁడుis-aber.net॥చ1॥కోరిన పరమ యోగుల చిత్తములలోనయేరీతి నుండెనో యీతఁడుచేరవచ్చిన యాశ్రితులనెల్లఁ బ్రోవయీరీతి నున్న వాఁడీతడు॥చ2॥కుటిల దానవుల కోటానఁగోట్లయెటువలెఁ ద్రుంచెనో యీతఁడుఘటియించి యిటువంటి కారుణ్యరూపుఁడైయిటువలె నున్న వాఁడీతడు॥చ3॥తక్కక్క బ్రహ్మాండ తతులెల్ల మోచితా-నెక్కడ నుండెనో యీతఁడుదిక్కుల వెలసిన తిరువేంకటేశుఁడైయిక్కడ నున్న వాఁడీతఁడు రాగము: సామంతం రేకు: 0021-03 సంపుటము: 1-127 Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, సామంతంపూర్తి వివరాలు ...

॥పల్లవి॥ఇతఁడు చేసిననేఁత లెన్నిలేవిలమీఁదయితఁడు జగదేకగర్వితుఁడౌనో కాఁడో॥చ1॥కుడువఁడా ప్రాణములుగొనుచుఁ బూతకిచన్నుతుడువఁడా కపటదైత్యులనొసలి వ్రాలుఅడువఁడా నేలతో నలమి శకటాసురునివడువఁడా నెత్తురులు వసుధ కంసునివి॥చ2॥పెట్టఁడా దనుజారిబిరుదు లోకమునందుకట్టఁడా బలిదైత్యు కర్మబంధములమెట్టఁడా కాళింగు మేటిశిరములు, నలియఁ-గొట్టఁడా దానవులఁ గోటానఁగోట్ల॥చ3॥మరపఁడా పుట్టువులు మరణములుఁ బ్రాణులకుపరపఁడా గంగఁ దనపాదకమలమునచెరుపఁడా దురితములు శ్రీ వెంకటేశుఁడిదెనెరపఁడా లోకములనిండఁ దనకీర్తి రాగము: శ్రీరాగం రేకు: 0021-02 సంపుటము: 1-126 Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, శ్రీరాగంపూర్తి వివరాలు ...