మనుజుఁడైపుట్టి మనుజుని సేవించి

॥పల్లవి॥
మనుజుఁడైపుట్టి మనుజుని సేవించి
అనుదినమును దుఃఖమందనేలా
॥చ1॥
జుట్టెఁడు గడుపుకై చొరనిచోట్లు చొచ్చి
పట్టెఁడుగూటికై బతిమాలి
పుట్టిన చోటికే పొరలి మనసు పెట్టి
వట్టిలంపటము వదలనేరఁడుగాన
॥చ2॥
అందరిలోఁ బుట్టి అందరిలోఁ బెరి-
గందరి రూపము లటు దానై
అందమైన శ్రీవేంకటాద్రీశు సేవించి
అందరానిపదమందె నటుగాన

రాగము: సామంతం
రేకు: 0032-02
సంపుటము: 1-196