దాని సొమ్మేమైన తింటీనా… జానపద గీతం

Wednesday, August 20, 2014 జానపద గీతాలు వ్యాఖ్య రాయండి 348 వీక్షణలు

వర్గం: హాస్య గీతాలు

దాని సొమ్మేమైన తింటీనా
దానెబ్బ గంటేమైన తింటీనా
దీని సొమ్మేమైన తింటీనా
ఈళ్ళ నాయన గంటేమైన తింటీనా

తెలిసీ తెలియక అమ్మ ఇల్లరికం నేనొస్తి(2)
డబ్బాశ కోసమై అత్తింట్లో నేనుంటే
ఆ..డబ్బాశ కోసమై అత్తింట్లో నేనుంటే

కసువూలూడ్సమని బోకుల్దోమమనే
ఆ..కసువూలూడ్సమనె బోకుల్దోమమనె
వడ్లు దంచమనె మంట బెట్టమనె
వంట సేయమనె
ఆ..ఈ ఇంటి పనులంటే (2)
ఈడ్సీడ్సి తంతాది

చదవండి : పచ్చొడ్లు నే దంచి...పాలెసరు బెట్టీ - జానపదగీతం

సలికాలమొచ్చింది పాడు సలిపెట్టింది (2)
కప్పుకోనూ పాత దుప్పటీ లేదంటే (2)
అప్పొసొప్పో సేసి కొత్త దుప్పటి తెచ్చే (2)
కంబలి త్యాలేదని
ఆ..కంబలి త్యాలేదని
కడతపగలదన్నే

రాగులిసరకచ్చి రాగిసంగటి సేసి
ఆ..రాగులిసరకచ్చి రాగిసంగటి సేసి
తెలవాయి కారెంతో తినలేదు పాపమని
ఆ..తెలవాయి కారెంతో తినలేదు పాపమని
బ్యాల్లపులుసూ సేసి పాప్తంగా నే పెడితే
ఆ..బ్యాల్లపులుసూ సేసి పాప్తంగా నే పెడితే
మునగాకు లేదని
ఆ..మునగాకు లేదని
మూతి పగలదన్నె

చదవండి : బేట్రాయి సామి దేవుడా! - జానపద గీతం

సంకురాత్రి నాడు సంతోషపెడదమని (2)
ముత్తూము వడ్లమ్మి
ఆ..ముత్తూము వడ్లమ్మి
కొత్త సీరె తెచ్చే
ముత్తూము వడ్లమ్మి కొత్త సీరె తెచ్చే
ఆ..ముద్దరాల సీరె కట్టుకో కట్టుకోమంటే (2)
అంచు తక్కువని ఊంచూంచి తంతాది

చదవండి : కదిరి చిన్నదానా .... జానపదగీతం