చూడరెవ్వరు దీనిసోద్యంబు పరికించి

॥పల్లవి॥
చూడరెవ్వరు దీనిసోద్యంబు పరికించి
చూడఁజూడఁగఁ గాని సుఖమెఱఁగరాదు
॥చ1॥
ఎడతెగని మమత వేయఁగరాని పెనుమోపు
కడలేని యాస చీఁకటి దవ్వుకొనుట
నిడివైన కనుచూపు నీడనుండిన యెండ
వడిచెడని తమకంబు వట్టితాపంబు
॥చ2॥
బుద్ధిమానిన చింత పోనియూరికిఁ దెరువు
పొద్దువోవని వలపు పొట్టపొంకంబు
యెద్దుఁ బట్టిన సివం బెఱుకమాలిన ప్రియము
లొద్దిక విహారంబు లుబ్బుఁగవణంబు
॥చ3॥
తీపులోపలి తీపు తిరువేంకటేశ్వరుని-
చూపు దనుఁ బొడగనని చూపు లోచూపు ,
ఆపదలువాయు నెయ్యపుఁ దలఁపులీతలఁపు
రూపైన రుచిలోని రుచి వివేకంబు

రాగము: బౌళి
రేకు: 0016-02
సంపుటము: 1-96