ఎట్టయినా జేయుము యిఁక నీచిత్తము – అన్నమయ్య సంకీర్తన

॥పల్లవి॥
ఎట్టయినా జేయుము యిఁక నీచిత్తము
కిట్టిననీ సంకీర్తనపరుఁడ
॥చ1॥
కొందరు జ్ఞానులు కొందరు భక్తులు
కొందరు వైరాగ్యకోవిదులు
యిందరిలో నే నెవ్వఁడఁ గా నిదె
సందడి హరి నీశరణాగతుఁడ
॥చ2॥
జపితలు గొందరు శాస్త్రులు గొందరు
ప్రపత్తిఁ గొందరు బలువులు
వుపమించఁగ ని న్నొకఁడా గా నిందు
కపురుల నీడీంగరీఁడ నేను
॥చ3॥
ఆచార్యపురుషులు అవ్వలఁ గొందరు
యేచినసమయులై యేర్పడిరి
కాచేటి శ్రీవేంకటపతి నే నైతే
తాచి నీదాసులదాసుఁడను

రాగము: మలహరి
రేకు: 0099-05
సంపుటము: 1-499