ఆలవటపత్రశాయివైనరూప మిట్టిదని – అన్నమయ్య సంకీర్తన

॥పల్లవి॥
ఆలవటపత్రశాయివైనరూప మిట్టిదని
కొలువై పొడచుపేవా గోవిందరాజా
॥చ1॥
పడఁతులిద్దరిమీద బాదములు చాఁచుకొని
వొడికపు రాజసాన నొత్తగిలి
కడలేని జనాభికమలమున బ్రహ్మను
కొడుకుఁగా గంటి విదె గోవిందరాజా
॥చ2॥
సిరులసొమ్ములతోడ శేషునిపైఁ బవళించి
సొరిది దాసులఁ గృపఁ జూచుకొంటాను
పరగుదైత్యులమీఁద పామువిషములే నీవు
కురియించితివిగా గోవిందరాజా
॥చ3॥
శంకుఁజక్రములతోడఁ జాఁచినకరముతోడ
అంకెల శిరసు కింది హస్తముతోడ
తెంకిన శ్రీవేంకటాద్రి దిగువతిరుపతిలో
కొంకక వరములిచ్చే గోవిందరాజా

రాగము: శంకరాభరణం
రేకు: 0096-02
సంపుటము: 1-478