అంతయు నీవే హరి పుండరీకాక్ష – అన్నమయ్య సంకీర్తన

॥పల్లవి॥
అంతయు నీవే హరి పుండరీకాక్ష
చెంత నాకు నీవే శ్రీరఘురామా
॥చ1॥
కులమును నీవే గోవిందుఁడా నా-
కలిమియు నీవే కరుణానిధీ,
తలఁపును నీవే ధరణీధరా ,నా-
నెలవును నీవే నీరజనాభా
॥చ2॥
తనువును నీవే దామోదరా, నా-
మనికియు నీవే మధుసూధనా
వినికియు నీవే విట్ఠలుఁడా,నా-
వెనకముందు నీవే విష్ణుదేవుఁడా
॥చ3॥
పుట్టుగు నీవే పురుషోత్తమా కొన
నట్ట నడుము నీవే నారాయణా,
యిట్టె శ్రీవేంకటేశ్వరుఁడా నాకు
నెట్టన గతి యింక నీవే నీవే

రాగము: పాడి
రేకు: 0080-04
సంపుటము: 1-385