పాలదొంగవద్దవచ్చి పాడేరు తమ- – అన్నమయ్య సంకీర్తన

॥పల్లవి॥
పాలదొంగవద్దవచ్చి పాడేరు తమ-
పాలిటిదైవమని బ్రహ్మదులు
॥చ1॥
రోలఁ గటిపైంచుక పెద్దరోలలుగా వాపోవు
బాలునిముందర వచ్చి పాడేరు
ఆలకించి వినుమని యంబరభాగమునందు
నాలుగుదిక్కులనుండి నారదాదులు
॥చ2॥
నోరునిండా జోల్లుగార నూఁగి ధూళిమేనితో
పారేటిబిడ్డని వద్దఁ బాడేరు
వేరులేని వేదములు వెంటవెంటఁ జదువుచుఁ
జేరిచేరి యింతనంత శేషాదులు
॥చ3॥
ముద్దులు మోమునఁగార మూలల మూలలదాఁగే-
బద్దులబాలునివద్దఁ బాడేరు
అద్దివో శ్రీతిరువేంకటాద్రీశుఁ డితఁడని
చద్దికి మేఁడికి వచ్చి సనకాదులు

రాగము: మలహరి
రేకు: 0061-02
సంపుటము: 1-311