బలువగుఁ దనరూపము చూపె – అన్నమయ్య సంకీర్తన

॥పల్లవి॥
బలువగుఁ దనరూపము చూపె
కలదింతయుఁ దనఘన తెఱిఁగించెన్
॥చ1॥
పాండవరక్షణపరుఁడై నరునకు
నండనే తెలిపె మహమహిమ
దండి విడిచి తనదయతో నర్జునుఁ-
డుండఁగ మగటిమి నొడఁబడఁ బలికె
॥చ2॥
మగుడఁగ కులధర్మములుఁ బుణ్యములు
తెగి పార్ధున కుపదేశించె
నగుచు నతనితో నానాగతులను
నిగమమునియమమునిజ మెరిఁగించెన్
॥చ3॥
వెరపుమిగుల నావిజయునిమనుమని
పరీక్షిత్తుఁ దగఁ బ్రదికించె
తిరువేంకటగిరిదేవుఁడు దానై
గరిమల బారతకథ గలిగించెన్

రాగము: పాడి
రేకు: 0048-03
సంపుటము: 1-295