మోహము విడుచుటే మోక్షమది – అన్నమయ్య సంకీర్తన

॥పల్లవి॥
మోహము విడుచుటే మోక్షమది
దేహ మెఱుఁగుటే తెలివీనదే
॥చ1॥
ననిచిన తనజన్మముఁ గర్మముఁ దన-
పనియు నెఱుగుటే పరమ మది
తనకు విధినిషేధములుఁ బుణ్యముల-
ఘనత యెఱుగుటే కలిమి యది
॥చ2॥
తఱిఁదఱిఁ బ్రేమపుతల్లిదండ్రులను
యెఱఁ గనిదే కులహీన తది
చఱులఁ బొరలి యాచారధర్మములు
మఱచినదే తనమలిన మది
॥చ3॥
కమ్మరఁ గమ్మరఁ గామభోగములు
నమ్మి తిరుగుటే నరక మది
నెమ్మది వేంకటనిలయునిదాసుల-
సొమ్ముయి నిలుచుట సుకృత మది

రాగము: ఆహిరి
రేకు: 0043-03
సంపుటము: 1-263