బాలులతో వీథులలోఁ బారాడువాఁడు – అన్నమయ్య సంకీర్తన

॥పల్లవి॥
బాలులతో వీథులలోఁ బారాడువాఁడు
కోలలెత్లుక వుట్లు గొట్టీఁ జుండీ
॥చ1॥
నారికడపువక్కలు నానిన సనగలు
చారపప్పుఁ దేనెలు చక్కెరలును
పేరిననేతులు నానబియ్యాలు నుట్ల నవే
చేరి యశోదబిడ్డకు జెప్పేరు సుండీ
॥చ2॥
చక్కిలాలు నడుకులు సనిగెపప్పులును
చెక్కిన మెత్తనితూఁట చెఱకులును
పెక్కువగా నుట్లలో బిందెల నించిన వవే
చక్కనెశోదబిడ్డకుఁ జాటేరు సుండీ
॥చ3॥
నవ్వులుఁ జిటిబెల్లాలు నున్ననిచిమ్మిలులు
నవ్వుటిడియునుఁ జిన్ని నురుగులును
యెవ్వారు వేంకటపతి కెఱుగించ నారగించి
కివ్వకివ్వ నవ్వ నణఁకించీ జుండీ

రాగము: పాడి
రేకు: 0042-02
సంపుటము: 1-256