పనిలేని ధనవాంఛఁ బడిపొరలిన నిట్టి –

॥పల్లవి॥
పనిలేని ధనవాంఛఁ బడిపొరలిన నిట్టి –
కనుమాయలే కాక కడ నేమిగలదు
open
॥చ1॥
కనుచూపు కాఁకలఁ గలయుట వెడయాస –
లనుభవింపుటగాక యందేమిగలదు
తనువల్లి సోఁకులఁ దగులుట మమతల –
నెనయఁ గోరుటగాక యిందేమిగలదు
॥చ2॥
యెలమి నధర మాను టెరిఁగి యెంగిలి నోర
నలముకొనుట గాక యందేమిగలదు
పలులంపటములచేఁ బడుట దు: ఖంబులు
తలఁజుట్టుటే కాక తన కేమికలదు
॥చ3॥
శ్రీ వేంకటాద్రీశుఁ జేరనిపనులెల్ల –
నేపగింతలే కాక యిందేమిగలదు
ఆవల సురతభోగ మనుభవింపఁబోయి
రావలయుటగాక రచనేమిగలదు

రాగము: శంకరాభరణం
రేకు: 0025-02
సంపుటము: 1-150