ఏల సమకొను సుకృత మెల్ల వారికి మహ –

॥పల్లవి॥
ఏల సమకొను సుకృత మెల్ల వారికి మహ –
మాలిన్యమున నాత్మ మాసినది గాన
read
॥చ1॥
కలికాలదోషంబు కడవరానిది గాన
తలఁపుదురితముల కాధారంబు గాన
బలుపూర్వకర్మములు పట్టరానివి గాన
మలమూత్రజన్మంబు మదకరము గాన
॥చ2॥
రాఁపైనగుణవికారములు బహళము గాన
ఆఁపరానివి యింద్రియంబు లటుగాన
దాఁపరంబగుమమత దయదలంపదు గాన
కాఁపురముచే నా కప్పుకొనుఁ గాన
॥చ3॥
హృదయంబు చంచలం బిరవుగానదు గాన
చదువు బహుమార్గములఁ జాటు నటుగాన
యెదురనుండెడు వేంకట్వేరునినిజమైన-
పదముపై కోరికలు పైకొనపు గాన

రాగము: ఆహిరి
రేకు: 0024-03
సంపుటము: 1-145