భోగి శయనమును బుసకొట్టెడిని
- సంకీర్తనలు
వార్తా విభాగం- 0
- 1 minute read
॥పల్లవి॥ భోగి శయనమును బుసకొట్టెడిని యోగనిద్ర పాయును మేల్కొనవే ॥చ1॥ కన్నులు దెరవక కమలభాంధవుఁడు వెన్నెల రేణువు వెలయ దిదే అన్నున మలసీ నరుణోదయ మిదే మిన్నక నీవిటు మేలుకొనవే ॥చ2॥ తెల్లనికన్నులు దెరవక విరియఁగ నొల్లక జలజము లున్నవివే కల్లనిదుర నినుఁ గవియఁగ నియ్యక మెల్లనాయ నిటు మేలుకొనవే ॥చ3॥ తెరవగు రెప్పలఁ దెల్లవారవలె తెరవక చీఁకటి దీరదిదే తెరఁగు వేంకటాధిప నీవెఱుఁగుదు మెఱుఁగులు చల్లుచు మేలుకొనవే |
రాగము: భూపాళం రేకు: 0023-03 సంపుటము: 1-139 |
Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, భూపాళం
