ఎన్నాళ్ళదాఁకఁ దానిట్టె వుండుట బుద్ది

॥పల్లవి॥
ఎన్నాళ్ళదాఁకఁ దానిట్టె వుండుట బుద్ది
కన్న పోవుట పూర్వకర్మ శేషం
॥చ1॥
కలకాలమెల్ల దు:
వలదా సుఖము గొంతవడియైనను
కలుషబుధ్దులఁ బ్రజ్ఞగల దింతయును మంటఁ
గలసిపోవుటే పూర్వకర్మ శేషం
॥చ2॥
జాలి తొల్లియుఁబడ్డజాలె నేఁడునుఁగాక
మేలు వొద్దా యేమిటినై నాను
తాలిమి లో హరిఁ దలఁచక యెఱుకెల్ల
గాలిఁబోవుట పూర్వకర్మశేషం
॥చ3॥
తరగని నరకబాధయు నేఁడునుగాక
దరి చేరవలదా యింతటనైనను
తిరువేంకటాద్రిపై దేవునిఁ గొలువక
గరిపడే భవమెల్ల కర్మశేషం

రాగము: ఆహిరి
రేకు: 0019-01
సంపుటము: 1-113