ఏది జూచినఁ దమకు యిన్నియును నిటువలెనె
- సంకీర్తనలు
వార్తా విభాగం- 0
- 1 minute read
॥పల్లవి॥ ఏది జూచినఁ దమకు యిన్నియును నిటువలెనె వేదువిడిచిన కూడు వెదకినను లేదు ॥చ1॥ ఏకాంతసౌఖ్యంబు లెక్కడివి ప్రాణులకు పైకొన్నదుఃఖముల పాలుపడెఁ గాక యేకమగు పుణ్యంబు లేడాఁగల విందరికి కైకొన్నదురితములు కలపాటిగాక ॥చ2॥ హితవైనమమకార మెందుఁగల దిందరికి ప్రతిలేని విరహతాపము కొలఁదిగాక మతిలోని వేడుకలు మరియేమి మనుజులకు జితమైన దైవమిచ్చిన పాటిగాక ॥చ3॥ యిరవైవ దైవకృపయేల దొరుకునుఁ దమకు పరిమైనకర్మంబు పరిపాటిగాక యెరవైనపెనుబంధ మేల వీడెడు నాత్మఁ దిరువేంకటేశుకృప తిరమైనఁ గాఁక | రాగము: శ్రీరాగం రేకు: 0016-01 సంపుటము: 1-95 |
Tags: Annamacharya Keerthanalu, Telugu Devotional, అన్నమయ్య సంకీర్తనలు, తాళ్ళపాక అన్నమయ్య కీర్తనలు, శ్రీరాగం
