ఎవ్వఁడో కాని యెరఁగరాదు కడు-

॥పల్లవి॥
ఎవ్వఁడో కాని యెరఁగరాదు కడు-
దవ్వులనే వుండు తలఁపులోనుండు
link
plavix prix
plavix dci
plavix surveillance biologique
॥చ1॥
ఎడయవు తనరెక్క లెగసిపోలేఁడు
కడు దాఁగుఁగాని దొంగయుఁ గాడు
వడిఁ గిందుపడును సేవకుఁడునుఁ గాఁడు
వెడఁగుగోళ్ళు వెంచు విటుఁడునుఁ గాఁడు
॥చ2॥
మిగులాఁబొట్టివాఁడు మింటికినిఁ బొడవు
జగడాలు తపసివేషములును
మగువకై పోరాడు మరి విరక్తుఁడును
తగుఁగాపుఁబనులు నెంతయుఁ దెల్లఁదనము
॥చ3॥
తరుణుల వలపించు తగిలి పై కొనఁడు
తురగముఁ దోలు రౌతునుఁ గాఁడు
తిరువేంకటాద్రిపైఁ దిరుగు నెప్పుడును
పరమమూర్తియై పరగు నీఘనుడు

రాగము: రామక్రియ
రేకు: 0012-03
సంపుటము: 1-74