పరదేశిపట్టణమున పదుగురునేగురుఁ గూడుక

॥పల్లవి॥
పరదేశిపట్టణమున పదుగురునేగురుఁ గూడుక
పరగఁగ వరి చెడ నూదర బలిసినయట్లాయ
lisinopril and driving
lisinopriland.net
lisinopril and driving
open
॥చ1॥
ఊరేలెడియతఁ డలసత నూరకయుండఁగ నడుముల-
వారలు నిక్కపుగర్తలవలె నుండినగతిని
ధీరత చెడి తను జీవుఁడు దెలియఁగనేరక యుండిన
ధారుణిలోపల దొంగలధర్మాసనమాయ
॥చ2॥
వొడలంతంతకుఁ జిక్కఁగ నుబ్బినరోగము సుఖమున-
కెడమియ్యక నానాఁటికి నేఁచిన చందమున
తడఁబడువిజ్ఞానము గతిదప్పఁగ బలుపగుపట్నము
కడుఁజెడఁగా, మాలవాడ ఘనమైనట్లాయ
॥చ3॥
పొసఁగఁగ నిది గని యధికుడు పుక్కట కాండ్ల నందరిఁ
బసమారిచి మొదలికర్తఁ బాలించినగతిని
పసగలతిరువేంకటగిరిపతి నాదేహపుఁబురి నీ-
వసమై వెన్నకు బండ్లు వచ్చినయట్లాయ

రాగము: బౌళి
రేకు: 0012-01
సంపుటము: 1-72