రాయచోటిలో వైకాపా రికార్డు

శనివారం, జూన్ 16, 2012 వార్తలు వ్యాఖ్య రాయండి 239 వీక్షణలు

రాయచోతిలో అత్యధిక మెజారిటీ సాధించిన పార్టీగా వైకాపా రికార్డు సృష్టించింది. ఇక్కడ వైఎస్సార్ కాంగ్రెస్ పార్టీ అభ్యర్థి శ్రీకాంత్‌రెడ్డి… టీడీపీ అభ్యర్థి సుగవాసి బాల సుబ్రహ్మణ్యంపై 56,891 ఓట్ల భారీ మెజార్టీతో గెలుపొందారు. రాయచోటిలో కాంగ్రెస్ డిపాజిట్ కూడా దక్కించుకోలేదు.

రాయచోటిలో పోస్టల్‌ బ్యాలెట్‌ ఓట్లతో సహా మొత్తం పోలైన ఓట్లు 1,59,201. అభ్యర్థికి ధరవతు రావాలంటే ఇందులో ఆరింట ఒక వంతు ఓట్లు అంటే 26,533 ఓట్లు దక్కాలి. ఇక్కడ కాంగ్రెస్‌ అభ్యర్థి రాంప్రసాద్‌రెడ్డి 25,344 ఓట్ల వరకు వచ్చి ఆగిపోయారు. మరో 1189 ఓట్లు వస్తే ఇక్కడ కాంగ్రెస్‌ పార్టీకి కనీస పరువు దక్కేది.

చదవండి : వైకాపా ధర్నా విజయవంతం

రాయచోటి నియోజకవర్గ చరిత్రలో ఇంతటి ఘన విజయం మునుపెన్నడూ లేదు. ఫలితాల్లో తొలి రౌండులోనే 3,908 ఓట్లు ఆధిక్యతతో బోణీ మొదలుపెట్టిన శ్రీకాంత్‌రెడ్డి ప్రతి రౌండులోనూ ఆధిక్యత ప్రదర్శించారు. 8వ రౌండులో అత్యధికంగా 6,238 ఓట్లు మెజార్టీ సాధించారు.