ఇహమునుఁ బరమును యిందే వున్నవి – అన్నమయ్య సంకీర్తన

॥పల్లవి॥
ఇహమునుఁ బరమును యిందే వున్నవి
వహికెక్కఁ దెలియువారలు లేరు
॥చ1॥
చట్టువంటి దీచంచలపు మనసు
కొట్టులఁబడేది గుఱిగాదు
దిట్ట వొరులు బోధించినఁ గరఁగదు
పట్టఁబోయితే పసలేదు
॥చ2॥
చిగురువంటి దీజీవశరీరము
తగుళ్లు పెక్కులు తతి లేదు
తెగనిలంపటమే దినమునుఁ బెనచును
మొగము గల దిదే మొనయును లేదు
॥చ3॥
గనివంటిది యీఘనసంసారము
తనిసితన్పినాఁ దగ లేదు
ఘనుడఁగు శ్రీవేంకటపతి గావఁగ
కొనమొద లేర్పడె కొంకే లేదు

రాగము: సామంతం
రేకు: 0098-04
సంపుటము: 1-492