నిడుజువ్విలో సుందర సూర్య విగ్రహం!

భారతీయ సంస్కృతిలో సూర్యారాధనకు ఉన్న ప్రాధాన్యత అమితమైనది. కోణార్క్ లోని సూర్యదేవాలయాన్ని ఇందుకు ప్రతీకగా చెప్పుకుంటాం. మన రాష్ట్రంలో ‘అరసవెల్లి’ సూర్య దేవాలయం కూడా బహుళ ప్రాచుర్యం పొందింది.

రాయలసీమలో సైతం సూర్యారాధనకు విశిష్ట ప్రాధాన్యత ఉందని చెప్పడానికి అనేక చోట్ల సూర్య దేవాలయాలు ఉన్నాయి. ‘తిరుచానూరు’లోని సూర్య నారాయణ దేవాలయం,ఉరవకొండ సమీపం లోని ‘బూదగవి’ సూర్యనారాయణ ఆలయం, భక్తుల పూజలను అందుకుంటున్నాయి.

కడప జిల్లా ఎర్రగుంట్ల సమీపంలోని “నిడుజువ్వి” లో ఈ సూర్య విగ్రహం ఉంది. అత్యంత నిపుణుడైన శిల్పి చేతి విన్యాసానికి ఈ సుందర సూర్య విగ్రహం తార్కాణంగా నిలుస్తుంది. సూర్యుడితో పాటు చాయాదేవి, సంధ్యాదేవి, రథసారథి అనూరుడి తోపాటు ఏడు గుర్రాలు ఈ శిల్పంలో అద్భుతంగా చెక్కబడి ఉన్నాయి.

– తవ్వా ఓబుల్‌రెడ్డి