చూడుఁ డిందరికి సులభుఁడు హరి-

॥పల్లవి॥
చూడుఁ డిందరికి సులభుఁడు హరి-
తోడు నీడయగు దొరముని యితఁడు
open
॥చ1॥
కైవల్యమునకుఁ గనకపు తాపల-
త్రోవై శ్రుతులకుఁ దుదిపదమై
పావనమొక రూపమై విరజకు
నావై యున్నాఁడిదె యితఁడు
॥చ2॥
కాపాడఁగ లోకములకు సుజ్ఞాన-
దీపమై జగతికిఁ దేజమై
పాపాలడఁపఁగ భవపయోధులకు
తేపై యున్నాఁడిదే యితఁడు
॥చ3॥
కరుణానిధి రంగపతికిఁ గాంచీ-
వరునకు వేంకటగిరి పతికి
నిరతి నహోబల నృకేసరికిఁ ద-
తృరుఁడగు శఠగోపంముని యితఁడు

రాగము: భైరవి
రేకు: 0019-05
సంపుటము: 1-117