కొండో నుయ్యో కుమతులాల

॥పల్లవి॥
కొండో నుయ్యో కుమతులాల
తండుముండు తట్టుముట్టు తాఁకైనఁ గనుఁడీ
read
॥చ1॥
కాకివోటు జముచేత కందుకుందు మరుచేత
మాకాపని గారు మనుజులాల
పోకుమని యాఁపరాదు పొమ్మని చెప్పఁగరాదు
మీకుమీకే చూచుకొండు మీరే కనుఁడు
॥చ2॥
గాములిల్లు పుట్టమీఁది కప్పు తోలు పై కప్పు
నేమా యెఱఁగము నిపుణులాల
పామునోరికడి మీప్రాణపుటూరుపు గాలి
జాము జాము మేలుఁగీడు చక్కఁజేయఁ గనుఁడు
॥చ3॥
రచ్చమాని చింతకిందు రాఁపులకూటమిపొందు
ముచ్చో చిచ్చో మూఢులాల
యెచ్చరికతోడ వేంకటేశుదాసులఁ గూడి
పచ్చిగచ్చు మేనితోడ భయమెల్ల బాయుఁడు

రాగము: దేసాక్షి
రేకు: 0026-05
సంపుటము: 1-160