సదా సకలము సంపదలే – అన్నమయ్య సంకీర్తన

॥పల్లవి॥
సదా సకలము సంపదలే
తుద దెలియఁగ వలెఁ దొలఁగఁగవలయు
॥చ1॥
అహర్నిశమును నాపదలే
సహించిన నవి సౌఖ్యములే
యిహమున నవి యిందఱికిని
మహిమ దెలియవలె మానఁగవలెను
॥చ2॥
దురంతము లివి దోషములే
పరంపర లివి బంధములు
విరసములౌ నరవిభవములౌ-
సిరులే మరులౌ చిరుసుఖ మవును
॥చ3॥
గతి యలమేల్ మంగ నాంచారికిఁ
బతియగువేంకటపతిఁ దలఁచి
రతు లెఱుఁగగవలె రవణము వలెను
హిత మెఱుఁగఁగవలె నిదె తనకు

రాగము: శుద్ధవసంతం
రేకు: 0002-01
సంపుటము: 1-7