సకల భూతదయ చాఁలఁగ గలుగుట – అన్నమయ్య సంకీర్తన

॥పల్లవి॥
సకల భూతదయ చాఁలఁగ గలుగుట
ప్రకటించి దేహ సంభవమైన ఫలము
is-aber.net
॥చ1॥
తలకొన్నఫలవాంఛఁ దగులకుండఁగఁ జిత్త-
మలవరించుట కర్మియైనఫలము
పలుకర్మములలోన బ్రహ్మార్పణపుబుద్ధి
గలుగుట హరికృపగలిగినఫలము
॥చ2॥
యెప్పుడుఁ దిరివేంకటేశు సేవకుఁడౌట
తప్పక జీవుఁడు దానైనఫలము
కప్పినసౌఖ్యదు: కర్మములు సమముగా
నొప్పుట విజ్ఞానమొదవినఫలము

రాగము: సామంతం
రేకు: 0036-04
సంపుటము: 1-223