శ్రీవేంకటేశుఁడు శ్రీపతియు నితఁడే – అన్నమయ్య సంకీర్తన

॥పల్లవి॥
శ్రీవేంకటేశుఁడు శ్రీపతియు నితఁడే
పావనపు వైకుంఠ పతియును నితఁడే
॥చ1॥
భగవతములోఁ జెప్పే బలరాముతీర్ధయాత్ర
నాగమోక్తమైనదైవమాతఁ డితడే
బాగుగా బ్రహ్మాండపురాణపద్ధతియాతఁ డితఁడే
యోగమై వామనపురాణోక్తదైవ మీతఁడే
॥చ2॥
వెలయ సప్తరుషులు వెదకి ప్రదక్షిణము
లలరఁ జేసినదేవుఁడాఁతఁ డీతఁడే
నెలవై కోనేటిపొంత నిత్యముఁ గుమారస్వామి
కలిమి దపముసేసి కన్నదేవు డీతఁడే
॥చ3॥
యెక్కువై బ్రహ్మాదులు నెప్పుడు నింద్రాదులు
తక్కక కొలిచియున్న తత్వమీతఁడు
చక్క నారదాదులససంకీర్తనకుఁ జొక్కి
నిక్కినశ్రీవేంకటాద్రి నిలయుఁడు నీతఁడే

రాగము: బౌళి
రేకు: 0087-03
సంపుటము: 1-425