పోయం గాలము వృథయై పుట్టిన మొదలుం గటకట

॥పల్లవి॥
పోయం గాలము వృథయై పుట్టిన మొదలుం గటకట
నీయెడ నామది నిజమై నిటుచుట యెన్నఁ డొకో
॥చ1॥
కుడిచిన నాఁకలి దీరదు కడువఁగఁ గుడువఁగఁ బైపై
కడుఁబొదలెడు దీపన మిది గడచుట యిఁక నెట్లు
కుడువక మానుట యెన్నడు కోరికదీరుట యెన్నడు
తడయక నీరూపము నేఁ దలఁచుట లెన్నఁడొకో
॥చ2॥
జీవుఁడుపుట్టిన మొదలునుఁ జేతికి నూఱట చాలక
యేవిధమున భుజియించిన నెడయదు దీపనము
శ్రీవేంకటపతి నా కిఁక శ్రీకరుణామృత మియ్యక
పావనమందదు నామది పాలించంద గదా

రాగము: గుండక్రియ
రేకు: 0025-05
సంపుటము: 1-153