పోయఁ గాలం బడవికిఁ గాయు వెన్నెలకరణిని

॥పల్లవి॥
పోయఁ గాలం బడవికిఁ గాయు వెన్నెలకరణిని
శ్రీయుతుఁ దలఁచుఁడీ నరులు మాయఁబడి చెడక
open
॥చ1॥
చిత్తము చేకూరుచుకొని చిత్తైకాగ్రతను
చిత్తజగురునిఁ దలఁచుఁడీ చిత్తజుఁ జొరనీక
॥చ2॥
బూరుగుమాఁకునఁ జెందినకీరముచందమున
ఆరయ నిష్పలమగు మరి యన్యులఁ జేరినను
॥చ3॥
కూరిమి మాతిరువేంకటగిరి గురుశ్రీ పాదములు
చేరినవారికి భవములు చెంద వెపుడు నటుగాన

రాగము: కన్నడగౌళ
రేకు: 0031-07
సంపుటము: 1-194