పాయని కర్మంబులె కడుబలవంతము లనినప్పుడె

॥పల్లవి॥
పాయని కర్మంబులె కడుబలవంతము లనినప్పుడె
కాయమునకు జీవునకునుఁ గర్తృత్వము లేదు
voltaren végbélkúp
voltaren végbélkúp
voltaren szemcsepp
॥చ1॥
ఆతుమ కలవ్యాపకమని తలపోసినపిమ్మట
జాతియుఁ గులాభిమానముఁ జర్చింపనెరాదు
భూతవికారములన్నియుఁ బురుషోత్తముఁ డనినప్పుడు
పాతకముల పుణ్యంబులపని తనకే లేదు
॥చ2॥
పదిలంబుగ సర్వాత్మకభావము దలఁచినపిమ్మట
ముదమున నెవ్వరిఁ జూచినఁ మొక్కకపోరాదు
కదిసిన యిప్పటి సుఖములె కడుదుఃఖములని తెలిసిన
చెదరక సంసారమునకు జేసాఁపనెరాదు
॥చ3॥
పరిపూర్ణుఁడు తిరువేంకటపతియనఁగా వినినప్పుడు
యెరవుల హీనాధికములు యొగ్గులు మరి లేవు
పరమాత్ముండగు నీతని భక్తులందలఁచిన యప్పుడు
తిరముగ నీతనికంటెను దేవుఁడు మరి లేఁడు

రాగము: సామంతం
రేకు: 0007-03
సంపుటము: 1-47