పంకజాక్షులు సొలసిపలికి నగఁగా

॥పల్లవి॥
పంకజాక్షులు సొలసిపలికి నగఁగా
నింకా నారగించు మిట్టనే ఆయ్యా
open
॥చ1॥
కలవంటకములు పులుఁగములు దుగ్ధాన్నములు
పలుదెరఁగులై న‌ అప్పములగములు
నెలకొన్న నేతులును నిరతంపు చక్కెరలు
గిలుకొట్టుచును నారగించవయ్యా
॥చ2॥
పెక్కువగుసైఁ దంపుపిండి వంటల మీఁద
పిక్కటిలు మెఱుఁగు బొడి బెల్లములును
వొక్కటిగఁ గలపుకొని వొలుపుఁబప్పులతోడ
కిక్కిరియ నిటు లారగించవయ్యా
॥చ3॥
కడుమధురమైన మీఁగడ పెరుగులను మంచి-
అడియాల పూరుఁగాయల రుచులతో
బడిబడిగ నవకంపుఁ బళ్లెరంబులతోడ
కడునారగించు వేంకటగిరీంద్రా

రాగము: ధన్నాశి
రేకు: 0023-02
సంపుటము: 1-138