నీవనఁగ నొకచోట నిలిచివుండుటలేదు – అన్నమయ్య సంకీర్తన

॥పల్లవి॥
నీవనఁగ నొకచోట నిలిచివుండుటలేదు
నీవనుచుఁ గనుఁగొన్న నిజమెల్ల నీవే
॥చ1॥
తనయాత్మవలెనె భూతములయాతుమలెల్ల –
ననయంబుఁ గనుఁగొన్నయతఁడే నీవు
తనుఁగన్న తల్లిఁగా తగనితరకాంతలను
ఆనఘఁడై మదిఁజూచునతఁడే నీవు
॥చ2॥
సతతసత్యవ్రతాచారసంపన్నుఁడై
ఆతిశయంబుగ మెలఁగునతఁడే నీవు
ధృతిదూలి ద్రవ్యంబు తృణముగా భావించు-
హతకాముకుఁడైనయతఁడే నీవు
॥చ3॥
మోదమున సుఖదు:
నాదరింపుచునున్న యతఁడే నీవు
వేదోక్తమతియైన వేంకటాచలనాథ
ఆదియును నంత్యంబు నంతయును నీవే

రాగము: సామంతం
రేకు: 0038-02
సంపుటము: 1-232