నీయాజ్ఞ దలమోచి నీ దేహధారి నైతి – అన్నమయ్య సంకీర్తన

॥పల్లవి॥
నీయాజ్ఞ దలమోచి నీ దేహధారి నైతి
యీయేడ గోవిందుఁడ నే నీడేరేదెట్లో
read
॥చ1॥
తనువు వేసరినాను తలఁపు వేసరదు
ధనముగడించెడితరితీపున
చెనకి మగఁడు విడిచిన మామ విడువని-
పనియాయ హరి నాబదుకుజాడ యెట్లో
॥చ2॥
పాయము ముదిసిననాను భావము ముదియదు
వేయైనా సంసారవిషయాలను
వోయయ్య కలివోసినావుట్లదిక్కు చూచేది
మాయదాయ నిఁక నామనసుజాడెట్లో
॥చ3॥
కడలేనినావిధులు కన్నులారఁ జూచి నీవు
నడుమ శ్రీవేంకటేశ నన్ను నేలితి
నొడుగులు దప్పినాను నోముఫలము దప్పని-
అడియాల మబ్బె నాకు నానతిచ్చి తెట్లో

రాగము: రామక్రియ
రేకు: 0079-01
సంపుటము: 1-376