పెద్దముడియం నృసింహాలయం (ఫోటో : గోపిరెడ్డి శ్రీనివాసరెడ్డి)

జయమాయ నీకు – అన్నమయ్య సంకీర్తన

రాగము: సాళంగనాట
రేకు: 0324-1
సంపుటము: 11-139

॥పల్లవి॥ జయమాయ నీకు నాపె సరసములూ
నయగారి ముడుయము నారసింహా

॥చ1॥మోము చూచి నీతోడ ముచ్చట లాడ వలసి
కోమలి నీ తొడమీఁదఁ గూచున్నది
ఆముకొని అట్టె మాట లాడ వయ్య ఆపెతోడ
నామాట విని యిట్టె నారసింహా

॥చ2॥మన్నన నీ యలుకల మంకు దెలవ వలసి
చన్ను లురమునఁ బెట్టి సత మైనది
చెన్నుఁడ వాపె చనవు చెల్లించ వయ్య యిట్టె
న న్నడిగే దింకా నేమి నారసింహా

॥పల్లవి॥జయ మాయ నీకు నాపె సరసములూ
నయగారి ముడుయము నారసింహా

॥చ3॥చేతుల నిన్ను నలమి చెక్కుఁ జెక్కుఁ గదియించి
నీతితో నీ మెడసొమ్మై నెలకొన్నది
యీతల శ్రీవెంకటాద్రి నెనసితి వాపెతోడ
నా తలఁపు లీడేరించి నారసింహా

ప్రొద్దుటూరు చెన్నకేశవుని స్తుతించిన అన్నమాచార్య సంకీర్తన ప్రొద్దుటూరు లేదా పొద్దుటూరు, వైఎస్ఆర్ జిల్లాలోని ఒక ప్రముఖ పట్టణము. రెండవ బొంబాయిగా …

Kadapa | YSR District కడప జిల్లా సమాచార సర్వస్వం