చలపాదిరోగ మీసంసారము నేఁడు

॥పల్లవి॥
చలపాదిరోగ మీసంసారము నేఁడు
బలువైనమందు విష్ణుభక్తి జీవులకు
open
॥చ1॥
కీడౌట మది నెఱింగియు మోహ మెడల దిది
పాడైన విధికృతము బలవంతము
యీడనే ఇది మాన్ప హితవైన వజ్రాంగి
జోడువో హరిఁ దలంచుట జీవులకును
॥చ2॥
హేయమని తెలిసి తా నిచ్చగించీ యాత్మ
పాయ దీరతిసుఖము బలవంతము
మాయ నుగ్గులుసేయ మాధవునిదంచనపు-
రాయివో వైరాగ్యరచన జీవులకు
॥చ3॥
పొలయుదురితంపు రొంపులు దన్ను వడి ముంచ
పలుమారుజన్మ మీబలవంతము
నెలవుకొని సకలంబు నిర్మలముగాఁ గడుగు-
జలధివో వేంకటేశ్వరుఁడు జీవులకు

రాగము: ముఖారి
రేకు: 0022-02
సంపుటము: 1-132