కుడుచుఁగాక తనకొలఁదిగాని మేలు

॥పల్లవి॥
కుడుచుఁగాక తనకొలఁదిగాని మేలు
దడవీనా నోరు తగినయెంతయును
॥చ1॥
చంపవచ్చిన కర్మసంగ్రహంబగు బుద్ది
గంప గమ్మక తన్ను గాచీనా
పంపుడుదయ్యమై బాధఁ బెట్టెడుయాస
కొంపలోన నుండనీఁగోరీనా
॥చ2॥
శ్రీవేంకటగిరి శ్రీనాథుఁ డిందరిఁ
గావఁబ్రోవఁగ నున్నఘనుఁడు
దేవోత్తముని నాత్మఁ దెలియ కితరములయిన-
త్రోవ లెన్నిన మేలు దొరకీనా

రాగము: రామక్రియ
రేకు: 0030-06
సంపుటము: 1-187