కాలము కాలము గాదు కపటాలే తఱచాయ – అన్నమయ్య సంకీర్తన

॥పల్లవి॥
కాలము కాలము గాదు కపటాలే తఱచాయ
చాలునింక దీనితోడిజాలి మానరే
॥చ1॥
పిన్ననాట నుండి తనపెంచిన యీదేహము
మున్నిటివలెగాదు ముదిసీని
యెన్నికదినాలచేత నెప్పుడేడఁ బడునో
కన్నవారిచేతికి గక్కున నియ్యరే
॥చ2॥
తోలునెముకలచేత దొడ్డైన యాదేహము
గాలిచేత దాలిమీఁదఁ గాగీని
కీలుగీలు యెప్పుడేడ కింద వీడిపడునో
మేలుఁగీడు లేనిచోట మేఁటిఁజేసి పెట్టరే
॥చ3॥
కింకపుకిసరుచేత కీడైన దేహము
వంకవంకతెరవుల వడీసీని
యింక నీవిధిచేత నెప్పుడేడఁ బడునో
వేంకటేశుఁజేరఁ బడవేయఁగదరే

రాగము: సామంతం
రేకు: 0050-02
సంపుటము: 1-305