కాయము జీవుఁడుగలనాఁడే తెలియవలె – అన్నమయ్య సంకీర్తన

॥పల్లవి॥
కాయము జీవుఁడుగలనాఁడే తెలియవలె
యీయత్నములు దనకెన్నఁడు
॥చ1॥
సతతము సంసారజడుఁడు దానట యాత్మ-
హితవు దెలుసుకాల మెన్నఁడు
రతిసరసముల పూరకే ప్రాయ మెడలంగ
యితరసుఖము దన కెన్నఁడు
॥చ2॥
యెడపక ద్రవ్యమెహితుఁడై తిరుగఁ దన.-
యిడుమపాటు మాను టెన్నఁడు
కడలేనిపొలయలుకలచేతఁ దనదేహ-
మిడియఁగ నిజసుఖ మెన్నఁడు
॥చ3॥
శ్రీవేంకటేశునిఁ జేరి తక్కినసుఖ-
మేవగించుకాల మెన్నఁడు
శ్రీవల్లభునికృప సిరిగాఁ దలఁచి జీవుఁ –
డీవైభవముఁ గాంచు టెన్నఁడు

రాగము: నాట
రేకు: 0068-01
సంపుటము: 1-352