ఎఱుక గలుగునాఁ డెఱఁగఁడటా – అన్నమయ్య సంకీర్తన

॥పల్లవి॥
ఎఱుక గలుగునాఁ డెఱఁగఁడటా
మఱచినమేనితో మరి యఱిఁగీనా
read
॥చ1॥
పటువైభవములఁ బరగేటినాఁడే
తటుకున శ్రీహరిఁ దలఁచఁడటా
కుటిలదేహియై కుత్తికఁ బ్రాణము
తటతటన దరఁగఁ దలఁచీనా
॥చ2॥
ఆలుబిడ్డలతో మహసుఖ మందుచు
తాలిమితో హరిఁ దలఁచఁడటా
వాలిన కాలుని వసమైనప్పుడు
దాలు వెండఁగాఁ దలఁచీనా
॥చ3॥
కొఱఁతలేక తేఁకువఁ దా నుండేటి-
తఱి వేంకటపతిఁ దలఁచఁడటా
మఱులు దేహియై మఱిచివున్నయడ
తఱచుటూరుపులఁ దలఁచీనా

రాగము: ముఖారి
రేకు: 0050-01
సంపుటము: 1-304