ఎనుపోతుతో నెద్దు నేరుగట్టినయట్లు

॥పల్లవి॥
ఎనుపోతుతో నెద్దు నేరుగట్టినయట్లు
యెనసి ముందర సాగ దేఁటి బ్రదుకు
open
॥చ1॥
కడలేనియాసచే కరఁగికరఁగి చిత్త-
మెడమవంకకు వచ్చె నేఁటి బ్రదుకు
పొడవైన మమతతోఁ బొదలఁ బొదల మాన-
మిడుమపాట్లఁ బడె నేఁటి బ్రదుకు
॥చ2॥
తెగుదెంపులేనిభ్రాంతికిఁ జిక్కి యాచార-
మెరసి గొందులు దూరె నేఁటి బ్రదుకు
పగగొన్న మోహతాపము వేరుగ విజ్ఞాన-
మిగురువెట్టక మానె నేఁటి బ్రదుకు
॥చ3॥
భావింప రోఁతలోఁ బడి పొరలెడిసౌఖ్య –
మేపగింపఁడు జీవుఁ డేఁటి బ్రదుకు
శ్రీవేంకటేశుపై చిత్త మొక్కటె కాని
యేవంక సుఖము లే దేఁటి బ్రదుకు

రాగము: లలిత
రేకు: 0026-01
సంపుటము: 1-156