ఎటువంటిరౌద్రమో యెటువంటికోపమో – అన్నమయ్య సంకీర్తన

॥పల్లవి॥
ఎటువంటిరౌద్రమో యెటువంటికోపమో
తటతట నిరువంక దాఁటీ వీఁడే
॥చ1॥
తోరంపుఁ బెనుచేతుల మల్లచఱచి
దారుణలీలఁ బెదవు లవుడుకఱచి
కారించి చాణూరుఁ గడుభంగపఱచి
వీరుఁడై యెముకలు విఱచీ వీఁడే
॥చ2॥
పిడుగడచినయట్టు పెడచేత నడిచి –
పడనీక పురములోపలఁ జొరఁబొడిచి
తొడిచి చాణూరు నెత్తుక దయవిడిచి
వడివెట్టి నెత్తురు వడిచీ వీఁడే
॥చ3॥
బుసకొట్టుచును వూరుపులఁ జెమరించి
మసిగాఁగ బెదపెదమల్లుల దంచీ-
నెసఁగి శ్రీతిరువేంకటేశుఁడై మించి
ముసిముసినవ్వుల ముంచీ వీఁడే

రాగము: ఆహిరి
రేకు: 0034-04
సంపుటము: 1-211