ఈభవనమునకుఁ జూడ నేది గడపల తనదు-

॥పల్లవి॥
ఈభవనమునకుఁ జూడ నేది గడపల తనదు-
ప్రాభవం బెడలించి బాధఁ బెట్టించె
॥చ1॥
చెప్పించెఁ బ్రియము వలసినవారలకునెల్ల
రప్పించె నెన్నఁడును రానిచోట్లకును
వొప్పించె నాసలకు వోరంత ప్రొద్దునను
తప్పించె కోరికల తిరిగి నలుగడల
॥చ2॥
పుట్టించె హేయంపుభోగయోనులనెల్ల
కట్టించె సంసారకలితబంధముల
పెట్టించె ఆసలను పెడకొడములఁ దన్ను
తిట్టించె నిజద్రవ్యదీనకుల చేత
॥చ3॥
బెదరించె దేహంబు పెనువేదనలచేత
చెదరించె శాంతంబు చెలఁగి చలమునను
విదళించె భవనములను వేంకటేశ్వరుఁ గొలిచి
పదిలించె నతనికృప పరమసౌఖ్యములు

రాగము: శ్రీరాగం
రేకు: 0030-04
సంపుటము: 1-185