వేదనఁ బొరలే వెరవేలా – అన్నమయ్య సంకీర్తన

॥పల్లవి॥
వేదనఁ బొరలే వెరవేలా
యీదయ విధి దన కీయదా
read
॥చ1॥
తత్తరపాట్ల తనువికారములఁ
జిత్తము దెంచే చెలువేలా
బత్తితో దాఁచిన పరధనంబుంగొని
సత్తయి వుండుట చాలదా
॥చ2॥
యెక్కువతమకపుటింతులఁ బొందక
పక్కుచువాడేవయసేలా
మొక్కుచు దాఁచిన మూలధనము గన-
నెక్కువ దైవం బియ్యదా
॥చ3॥
సేఁతలఁ బొరలెడి చిక్కులఁ గెరలెడి-.
రోఁతల యీనేరుపులేలా
బాఁతిగ వేంకటపతిరతిఁ జిత్తపు-
టూఁతలఁ గోరిక లూనవా

రాగము: శ్రీరాగం
రేకు: 0035-03
సంపుటము: 1-216