వెరపులు నొరపులు వృధా వృధా – అన్నమయ్య సంకీర్తన

॥పల్లవి॥
వెరపులు నొరపులు వృధా వృధా
ధరపై మరయంతయును వృధా
॥చ1॥
తడయక చేసినదానంబులు వృథ
యెడనెడ నెఱిఁగిన యెఱుక వృథా
వొడలిలోనిహరి నొనరఁగ మతిలోఁ
దడవనిజీవమె తనకు వృథా
॥చ2॥
జగమునఁ బడిసినసంతానము వృథ
తగిలి గడించినధనము వృథ
జగదేకవిభుని సకలాత్ముని హరిఁ
దెగి కొలువనిబుద్దియును వృధా
॥చ3॥
పనివడికూడిన పరిణామము వృథ
వొనరఁగనుందినవునికి వృథా
ఘనుఁడుగు తిరువేంకటగిరి హరిఁగని
మననేరని జన్మములు వృథా

రాగము: ముఖారి
రేకు: 0035-04
సంపుటము: 1-217