పుట్టగులమ్మీ భువిఁ గొనరో

॥పల్లవి॥
పుట్టగులమ్మీ భువిఁ గొనరో
జట్టికిని హింసలే మీ ధనము
open
open
॥చ1॥
ఆపద లంగడి నమ్మీఁ గొనరో
పాపాత్ములు పై పయిఁ బడకా
కైపులఁ బుణ్యులఁగని కోపించే-
చూపులు మీ కివి సులభపు ధనము
॥చ2॥
కడుఁగుంభీ పాతకంబులు గొనరో
బడిబడి నమ్మీఁ బాలిండ్ల
తొడరుఁ బరస్త్రీ ద్రోహపుధనములె
తడవుటె మీ కివి దాఁచిన ధనము
॥చ3॥
లంపుల చండాలత్వము గొనరో
గంపలనమ్మీఁ గలియుగము
రంపపు వేంకటరమణునికథ విన-
నింపగు వానికి నిదే ధనము

రాగము: ధన్నాసి
రేకు: 0006-06
సంపుటము: 1-42