పాపమెరంగనిబ్రహ్మఁడు యెందుఁ – అన్నమయ్య సంకీర్తన

॥పల్లవి॥
పాపమెరంగనిబ్రహ్మఁడు యెందుఁ
జూపరానిచోట చూపీనయ్యా
read
॥చ1॥
తనివోక జీవముతలకాయ నంజుడు
పనివడి తిని తిన్న బ్రాహ్మఁడు
యెనసి యెదిరిఁ దన్ను నెఱఁగక విభుఁడై
ఘనవంశము మంటఁ గలపీనయ్యా
॥చ2॥
యెవ్వారు నెఱఁగనియెముకలయింటిలో
పవ్వళింపుచునున్న బ్రహ్మఁడు
జవ్వనమదమున జడినేటికోమలిఁ
బువ్వులతోఁటలోఁ బొదిగీనయ్యా
॥చ3॥
చెలఁగి కన్నెరికము చెడనిపడుచుఁ దెచ్చి
పలువేదనలఁబెట్టే బ్రహ్మఁడు,
తెలిసి వేంకటాధిపునిదాసుఁడై
పులుగు పంజారాన బొదిగీనయ్యా

రాగము: మాళవిగౌళ
రేకు: 0034-02
సంపుటము: 1-209