పదిలము కోట పగవారు – అన్నమయ్య సంకీర్తన

॥పల్లవి॥
పదిలము కోట పగవారు
అదనఁ గాచుకొందు రాఱుగురు
॥చ1॥
ఇమ్మైఁ జెప్ప యిందరిచేత
తొమ్మిదినెల్లఁ దోఁగినది
కొమ్మతీరునఁ గుదురైనకోట
దొమ్మికాండ్లై దుగు రుందురు
॥చ2॥
వొంటికాఁడు రాజు వుడుగక తమలోన
వొంటనీనిమంత్రు లొక యిద్దరు
దంటతనంబునఁ దమయిచ్చఁ దిరిగాడు-
బంటు లేడుగురు బలవంతులు
॥చ3॥
కలవు తొమ్మిది కనుమల తంత్రము
నిలుపఁగలిగినట్టినెరవాదులు
తెలిసి కొనేటితిమ్మినాయఁడు చొచ్చె
బలిసె యీకోట భయమేల

రాగము: శంకరాభరణం
రేకు: 0010-01
సంపుటము: 1-61