పటుశిష్టప్రతిపాలకుఁడ వనఁగ – అన్నమయ్య సంకీర్తన

॥పల్లవి॥
పటుశిష్టప్రతిపాలకుఁడ వనఁగ
ఘటన నఖిలమును గాతువుగా
॥చ1॥
తత్తుమురుగ దైత్యుల దనుజుల నవి
మొత్తి మోఁది చలమునఁ జెలగి
జొత్తుపాపలుగ సొరిది విరోధుల-
నెత్తురు వడుతువు నీవేకా
॥చ2॥
తళతళమెఱుచుసుదర్శనాయుధం-
బలరుచు నొకచే నమరఁగను
బలుదైత్యులదొబ్బలుఁ బేగులు నని
నిలువునఁ జెండుదు నీవేకా
॥చ3॥
దిట్టవు సూత్రవతీపతి వసురలఁ
జట్టలు చీరఁగఁ జతురుఁడవు
రట్టడి వేంకటరమణుని వాకిటి-
పట్టపు నేనాపతిపటకా

రాగము: సాళంగనాట
రేకు: 0033-06
సంపుటము: 1-207