నిగమనిగమాంత వర్ణిత మనోహర రూప – అన్నమయ్య సంకీర్తన

॥పల్లవి॥
నిగమనిగమాంత వర్ణిత మనోహర రూప
నగరాజధరుఁడ శ్రీనారాయణా
॥చ1॥
దీపించు వైరాగ్య దివ్యసౌఖ్యం బియ్య-
నోపకకదా నన్ను నొడఁబరుపుచు
పైపైనె సంసారబంధములఁ గట్టేవు
నాపలుకు చెల్లునా నారయణా
॥చ2॥
చీకాకు పడిన నాచిత్తశాంతము సేయ-
లేకకా నీవు బహులీల నన్ను
కాకుసేసెదవు బహుకర్మములఁ బడువారు
నాకొలఁదివారలా నారాయణా
॥చ3॥
వివిదనిర్బంధముల వెడలఁద్రోయక నన్ను
భవసాగరములఁ దడఁబడఁ జేతురా
దివిజేంద్రవంద్య శ్రీతిరువేంకటాద్రీశ
నవనీతచోర శ్రీనారాయణా

రాగము: సామంతం
రేకు: 0040-01
సంపుటము: 1-243