నారాయణ నీనామము బుద్ధిఁ – అన్నమయ్య సంకీర్తన

॥పల్లవి॥
నారాయణ నీనామము బుద్ధిఁ
జేరినాఁ జాలు సిరులేమి బాఁతి
is-aber.net
॥చ1॥
ననుపైన శ్రీవిష్ణునామము పేరు-
కొనఁగానే తేఁకువ మీరఁగా
ఘనమైన పుణ్యాలు గలుగఁగా తమ-
కనయముఁ బరమది యేమిబాఁతి
॥చ2॥
నలువైన శ్రీహరినామము మతిఁ-
దలఁచిననాబంధము లూడఁగా
యెలమి దీనిఁ బఠియించినా యీ-
కలుషములేల కలుగు నెవ్వరికి
॥చ3॥
వేంకటపతి నామవిభవము కర్మ
పంకములెల్లఁ బరిమార్పఁగా
బింకమై తలఁపెడి ప్రియులకుఁ యెందు-
నింక నీ సుఖమిది యేమిబ్రాఁతి

రాగము: సామంతం
రేకు: 0043-02
సంపుటము: 1-262