నవనారసింహ నమో నమో – అన్నమయ్య సంకీర్తన

॥పల్లవి॥
నవనారసింహ నమో నమో
భవనాశితీర యహోబలనారసింహ
॥చ1॥
సతతప్రతాపరౌద్రజ్వాలానారసింహ
వితతవీరసింహవిదారాణా
అతిశయకరుణ యోగానంద నరసింహ
మతి శాంతపు కానుగుమాని నారసింహ
॥చ2॥
మరలి బీభత్సపుమట్టెమళ్ల నరసింహ
నరహరి భార్గోటి నారసింహ
పరిపూర్ణ శృంగార ప్రహ్లద నరసింహ
సిరుల నద్భుతపు లక్ష్మీ నారసింహ
॥చ3॥
వదనభయానకపు వరాహ నరసింహ
చెదరని వైభవాల శ్రీనరసింహ
అదన శ్రీవేంకటేశ అందు నిందు నిరవైతి
పదివేలురూపముల బహునారసింహ

రాగము: నాట
రేకు: 0092-01
సంపుటము: 1-453